Hantin Bonati rikthehet në postin e zv/ministrit të Infrastrukturës
Pa mbushur një vit në krye të AlbControl, Hantin Bonati rikthehet në postin e zv/ministrit të Infrastrukturës dhe Energjisë.
Vendimi është marrë ditën e sotme në mbledhjen e Këshillit të Ministrave.
Vendim për emërim në detyrë:
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
Vendosi:
Hantin Bonati emërohet zëvendësministër i Infrastrukturës dhe Energjisë.
Ky vendim hyn në fuqi menjëherë.
Në qershor të vitit të kaluar, Bonati e la detyrën si zv/ministër i Infrastrukturës ku shërbente prej vitit 2017, për postin e Drejtorit të AlbControl, ndërsa ditën e sotme është firmosur rikthimi i tij në Ministrinë e drejtuar nga Belinda Balluku.