Politikë

Lefter Koka i kthen përgjigje Metës: Nëqoftëse kam një arsye të ndihem keq është që të besova kaq vite

Lefter Koka i kthen përgjigje Metës: Nëqoftëse kam një

Ish-ministri Lefter Koka i është përgjigjur deklaratave të Presidentit Meta mëngjesin e sotëm që e akuzonin atë si të korruptuar dhe pjesë të bandave kriminale të vjedhjes së votës.

Në mesazhin e tij, ish-ministri shkruan se pendohet vetëm për faktin që i besoi Metës për kaq shumë vite dhe se votat e tij dhe të familjarëve do i bashkohen PS.

Gjithashtu, Koka nuk ka kursyer epitetet kundër Metës, të cilin e ka konsideruar “një palaço që të vret natën dhe të qan ditën”.

Përgjigje e Lefter Kokës për Ilir Metën:

Ilir Meta! Nëqoftëse kam një arsye të ndjehem keq me veten dhe njerëzit e mi, është që të besova ty për aq shumë kohe! Të vura në dispozicion veten, shoqërinë dhe miqësitë e mia në Durrës, që partia jote të merrte aq shumë vota, sa 1000 filxhanet e Monikës nuk i shikonin dot!

Ishin votat e mia, të durrsakëve të mi, jo të LSI-së që po i’a merr fytyrën çdo njeriu normal që e deshi dhe e mbeshteti. Ato vota nuk i merr dot as Lona, as Shiksi jot, që po bëhen gazi i botës në Durrës, por do t’i marrë Edi Rama dhe Partia Socialiste. Do t’i marrë familja e madhe ku unë jam rikthyer për të dhënë me shpirt kontributin tim, që Durrësi të vaksinohet përfundimisht nga virusi i tërbimit dhe i poshtërsisë që figura jote fut në shtëpitë e shqiptarëve!

Ti je një i marrë fund, që Zoti ta ka marrë mendjen për të të zhveshur lakuriq përpara popullit, prandaj prite me qetësi dhe dashuri verdiktin e tmerrshëm që të pret në 25 prill! Ti do të mbetesh gjatë në kujtesën e këtij populli, si një palaço që të vret natën dhe të qan ditën. Kur flet ti për blerje votash dhe për Kushtetutë, është njësoj si të dëgjosh një baxhellë të flasë për virgjëri dhe një kriminel të flasë për ligjin!

Ti je një arsye e madhe për të besuar që ka Zot, se vetëm Zoti mund të të hiqte ty nga qafa e shqiptarëve kështu siç e meriton! I shpërfytyruar, i degjeneruar, i mbaruar që të ra dhe cipa e fundit. Ik tani dhe mbyllu në kafazin tënd në Lalëz dhe mos fli natën, që të ruash arkat që ke fshehur në baçe! Pis burrë!

Tiranapost.al