Miratohen me 106 vota pro ndryshimet kushtetuese, Rama mesazh atyre që nuk votuan
Me 106 vota pro, Kuvendi ka miratuar ndryshimet kushtetuese për hapjen e listave pjesërisht dhe ndalimin e koalicioneve parazgjedhore në zgjedhjet e ardhshme në Shqipëri. Deputetët votuan me 106 vota pro nga 116 që ishin në sallë.
Kryeministri Rama tha se ata që nuk kanë votuar: 'kanë ndaluar, penguar fuqizimin e ndikimit të votuesve për përzgjedhjen e kandidatëve, kanë penguar efektin e drejtpërdrejtë që ka lidershipi në listën e mbyllur në cilësinë e debati të brendshëm. Kanë penguar përfaqësimin e një komuniteti më të mirë në parlament. Kanë sabotuar sigurimin e një përfaqësimi të drejtë të të gjithëve bashkë.
Kryeministri Rama sot u shfaq në Kuvend me një kollare të cilat i dizajnon vetë dhe ku lexohej: Revolution ( Revolucion).
Mësohet se 6 deputetë kanë munguar sot në Kuvend për të votuar, tre prej tyre janë me koronavirus dhe për pasojë janë izoluar në shtëpi.