Në mbyllje të mandatit, ambasadori italian jep një mesazh pesimist për politikën
E Premte 10 Janar 2025, 13:57
TiranaPost
Fabrizio Bucci, ka dhënë një mesazh pessimist për politikën në Shqipëri në mbyllje të mandatit të tij si ambasador i Italisë në Tiranë.
“Situata politike në Shqipëri vazhdon të jetë konfliktuale. Do të kemi zgjedhjet për pak muaj dhe uroj që kjo të jetë një fushatë elektorale e bazuar në fakte, sepse besoj se zgjedhësit shqiptarë duhet të kuptojnë cilat janë programet e partive dhe çfarë do të bëjnë ato për të përmirësuar jetën e qytetarëve. Zgjedhësit do të gjykojnë programet, dhe duhet të kuptojnë se çfarë do të bëjë politika këtu”, tha Bucci në një event në Gjirokastër ku u vlerësua me titullin “Qytetar Nderi”, për kontributin e tij në forcimin e marrëdhënieve midis dy vendeve.
Bucci do të emërohet si Ambasador i Italisë në Gjermani, duke vazhduar karrierën e tij diplomatike.
