Politikë

Përplaset Manastirliu me Berishën: Në tetë vite të qeverisjes tënde i bëre spitalet kioska, ku shiteshin pizhame

Përplaset Manastirliu me Berishën: Në tetë vite të

Ministrja e Shëndetësisë, Ogerta Manastirliu, është përplasur me Sali Berishën në seancën plenare, pasi ky i fundit e ka akuzuar se ka bërë tendera sekretë dhe duhet të kishte dhënë dorëheqjen disa herë.

Manastirliu i është përgjigjur Berishës duke i thënë se duhet të ketë prova konkrete dhe se “në tetë vite të qeverisjes tënde i bëre spitalet kioska, ku shiteshin pizhame”

“Në tetë vite të qeverisjes tënde i bëre spitalet kioska, ku shiteshin pizhame. Nuk bëre asgjë përveçse ju vure kolegëve tuaj çimka, për të kuptuar se nga të vinte e keqja. Unë kam punuar dyfish, se po të kishe bërë gjë ti zotërote, do ishim duke bërë më shumë. Vetëm ti mund të gëzosh për vdekjen, se nuk të bën përshtypje ty vdekja, sikur s’të kanë bërë përshtypje vdekja e të pafajshmeve në Gërdec, kështu që për sa kohë je një hipokrit, nuk të shkon të flasësh për shëndetësinë dhe si u menaxhua pandemie, kur flet për fatalitete fjala ka vlerë, por më shumë vlerë se fjala kanë faktet dhe ajo që të vret ty Sali janë faktet dhe e vërteta.

Dhe e vërteta edhe për fatalitetet për fat të keq, tregojnë se Shqipëria e ka përballuar pandeminë me dinjitet dhe duke u përgatitur dhe duke i siguruar mbështetjen stafeve mjekësore dhe garancinë për qytetarët. Fol me fakte dhe mos bëj këtu u hipokritit sepse të njohin qytetarët dhe e gjithë bota, se ndaj të kanë shpallur non-grata”, u përgjigj Manastirliu.

Tiranapost.al