Politikë

Rama inkurajon qytetarët t’i futen peshkimit me rrogën e mirë

Rama inkurajon qytetarët t’i futen peshkimit me rrogën e

Pothuajse tre-fishi i rroges aktuale minimale ofrohet për të punuar në peshkim, vuri në dukje këtë të shtunë Kryeministri Edi Rama ndërsa i inkurajoi qytetarët të bëhen pjesë e kësaj industrie.

Gjatë prezantimit të buxhetit të vitit 2022 për sektorin e peshkimit, Kreu i Qeverisë zbuloi se paga më e ulët për të punuar në peshkim është 800 mijë lekë.

Ndërkohë, Kryeministri tha se shtetas nga Turqia dhe Egjipt vijnë për të punuar në vendin tone me këtë rrogë të leverdisshme.

“Sot ju jeni bërë faktor në tregun më të vështirë të gjithë kontinentit që janë vendet nordike, ju jeni prezent. Sot vetëm këtë vit, presim që të mbyllet me 32+ subjekte të licencuara. Po të shikojmë e kemi rritur eksportin 239%.

Po ju them të gjithë atyre që e shohim Shqipërinë e punës nga portalet, që paga më e ulët që ju jepni për të punuar në peshkim është 800 mijë lekë. A ka njeri këtu që nuk ka nevojë për punëtorë peshkimi? Të gjithë kanë nevojë sepse kjo është një ekonomi që rritet dhe do vazhdojë.

Dhe ku i gjeni punëtorët? Me 800 mijë lekë paga më e ulët në Turqi, në Egjipt, vijnë nga Turqia dhe Egjipt të për të punuar këtu. Disa me diploma kristali që pretendojnë se janë jurist kërkojnë punë. Ja të vijnë të trokasin në dyert e industrisë së peshkimit dhe e kanë punë këtu,” u shpreh kryeministri.

Tiranapost.al