Shtyhet mbledhja për Reformën Zgjedhore, kërkesë e PD-së
E Premte 6 Mars 2020, 09:23
TiranaPost
Është shtyrë mbledhja që ishte parashikuar të mbahej sot për Reformën Zgjedhore, me kërkesë të Partisë Demokratike. Kjo e fundit ka kërkuar kohë për çështjen e ndryshimit të sistemit.
Ditën e sotme do të zhvillohej tryeza e Reformës Zgjedhore në rend dite: diskutim mbi administratën zgjedhore dhe sistemin zgjedhor.
Mbledhja e sotme është shtyrë për ditën e hënë, ora 10:00, me po të njëjtin rend dite. Deri të hënën pritet që opozita jashtëparlamentare të sjellë dhe propozimet e saja për çështjen e administratës zgjedhore.