Shumë shpejt Tirana do të ketë një shesh të madh fundor në Bulevardin e Ri.
Një ditë më parë kryetari i Bashkisë së Tiranës Erion Veliaj informoi se ky Bulevard do të nisë së shpejti falë ndihmës së qeverisë së Katarit, e cila miratoi një grant 11 milion eurosh për realizimin e projektit.
Sheshi i ri do ndërtohet në pjesën fundore të Bulevardit të Ri, përgjatë Lumit të Tiranës dhe do të ketë disa hapësira pedonale për qytetarët.
Po ashtu, do të krijohen parqe në të dyja anët e lumit, si dhe hapësira të tjera çlodhëse e argëtuese për fëmijët dhe të rriturit.
