FOTOT / Reshje të rrëmbyeshme, punonjësit e Bashkisë Tiranë në terren, Veliaj: Telefononi këtë numër nëse keni nevojë për ndihmë
E Premte 8 Janar 2021, 23:30
TiranaPost
Kryetari i Bashkisë së Tiranës, Erion Veliaj, ka reaguar për situatën e krijuar nga reshjet e dendura të shiut në kryeqytet.
Ai ka publikuar në rrjetet sociale foto nga puna që po bëjnë të gjithë punonjësit e ndërmarrjeve të pastrimit, ujësjellës-kanalizimeve, policisë bashkiake e zjarrfikëseve që janë shpërndarë në terren.
Veliaj u kujton qytetarëve që në rast nevoje të telefonojnë në numrat e urgjencës.
“Rrëshqitje dherash, shembje toke, rrëzime pemësh dhe prezencë uji - këto jenë pasojat e reshjeve masive. Por nëse kujdesemi për njëri-tjetrin dhe me pak ndihmë nga Policia e Shtetit, Policia Bashkiake Tiranë, Zjarrfikëset e Urgjencat do ia dalim mbanë!
Telefono 112 dhe ndihmë me zemër”, shkruan Veliaj.