Veliaj takon Michael Granoff në SHBA për transformimin e Piramidës së Tiranës
E Enjte 1 Korrik 2021, 09:38
TiranaPost
Kryetari i Bashkisë së Tiranës ka takuar një tjetër mik të tij në Amerikë, Michael Granoff, drejtuesin e Fondit të Zhvillimit Shqiptaro-Amerikan. Veliaj shkruan në Twitter se i tregoi atij ecurinë e transformimit të Piramidës në qendrën më të madhe teknologjike në Ballkan.
"Është gjithmonë kënaqësi të takoj mikun tim, Michael Granoff në Nju Jork, drejtuesin vizionar të Fondit të Zhvillimit Shqiptaro-Amerikan! 🇦🇱❤️🇺🇸Hidhini një sy Piramidës, për të parë se si @The_AADF, Qeveria Shqiptare dhe Bashkia e Tiranës po e transformojnë atë në qendrën kryesore IT për të rinjtë në Ballkan", shkruan Veliaj në Twitter, teksa bashkangjitur ka vendosur edhe një artikull që The Economist i ka dedikuar transformimit të Piramidës së Tiranës.