Franca kundër anëtarësimit të Kosovës në KE: Lëvizjet e njëanëshme çojnë në rritjen e tensioneve
E Premte 13 Maj 2022, 16:29
TiranaPost
Ambasadori i Francës në Serbi, Pierre Cochard, ka thënë se anëtarësimi i Kosovës në Këshillin e Evropës është një vendim i njëanshëm, të cilin Franca nuk e mbështet, teksa shton se prioritet duhet të jetë dialogu.
“Kandidatura për në Këshillin e Evropës është një vendim i njëanshëm dhe ne nuk i mbështesim ato vendime dhe e konsiderojmë dialogun një prioritet. Temat prioritare është edhe çështja e personave të pagjetur. Kjo është prioritet për ne. Ne i kuptojmë aspiratat e Kosovës për t’u bashkuar me institucionet evropiane dhe mirëpresim faktin që ata janë rreshtuar me qëndrimet evropiane në lidhje me Ukrainën. Megjithatë, lëvizjet e njëanshme nuk i lehtësojnë gjërat dhe mund të çojnë në rritjen e tensioneve”, ka thënë ai.
Kosova zyrtarisht ka dorëzuar aplikimin për anëtarësim në Këshillin e Evropës në 12 maj.
