Rajoni

Greqia hap kufijtë me Shqipërinë! Ja çfarë duhet për të udhëtuar

Greqia hap kufijtë me Shqipërinë! Ja çfarë duhet

Aeroporti Ndërkombëtar “Nënë Tereza” ka njoftuar me anë të një mesazhi të shpërndarë në rrjetet sociale se shteti grek ka hequr kufizimet për hyrjen e udhëtarëve shqiptarë me pasaporta biometrike.

Vendimi vjen pasi BE hapi dyert me Shqipërinë, ndërkohë që Greqia kishte shtyrë në mënyrë të përsëritur hapjen e kufijve me vendin tonë. Për të udhëtuar drejt shtetit fqinj për të gjithë qytetarët mbi 12 vjeç do të duhet një test COVID-i negativ ose një dëshmi që udhëtari e ka kaluar virusin kohët e fundit, ose një çertifikatë vaksinimi me dozat e kompanive Pfizer, Moderna, AstraZeneca, Sinovac dhe Johnson & Johnson.

Njoftimi i portë i TIA:

Lajm i mirë

Greqia heq kufizimet e hyrjes për udhëtarët shqiptarë me pasaportat biometrike

Udhëtimet drejt Greqisë të personave me banim në Shqipëri dhe pasaporta biometrike, janë sërish të lejueshme.

Për të gjithë pasagjerët e Tirana International Airport që udhëtojnë në Greqi kërkohet një nga këto kritere:

1) Test COVID, ose

2) një dëshmi që personi e ka kaluar

3) ose çertifikata e vaksininimit (vaksinimi me vaksinat e njohura si më poshtë)

Konkretisht, vaksinat e njohura për të udhëtuar në Greqi janë Pfizer, Moderna, AstraZeneca, Sinovac dhe Johnson & Johnson. Për pasaportat biometrike kërkohen dy dozat e vaksinave, së paku 14 ditë nga doza e fundit apo një dozë e Johnson & Johnson, 14 ditë nga doza.

Për udhëtarët, që hynë në Greqi vazhdon të jetë në fuqi detyrimi i një testi përpara nisjes (test PCR- jo më herët se 72 orë përpara fluturimit, ose test antigen, jo më herët se 48 orë përpara fluturimit).

Udhëtarët e vaksinuar plotësisht me një prej vaksinave të përmendura apo të shëruarit (jo më pak se 60 ditë pas shërimit dhe jo më shumë se 9 muaj pas tejkalimit të infeksionit), të cilët zotërojnë një dokument që provon vaksinimin apo shërimin, në versionin hard copy apo atë digjital, nuk është e nevojshme të paraqesin një test negativ në momentin e hyrjes nga Shqipëria në Greqi.

Ky dokument duhet të jetë në gjuhët: i formuluar në gjuhët anglisht, frëngjisht, gjermanisht, spanjisht, italisht ose rusisht.

Eshtë i detyrueshëm regjistrimi digjital i udhëtimit (PLF) 24 orë përpara udhëtimit. Ju lutem gjeni formularin në këtë link:

https://en.aegeanair.com/passenger-locator-form/

Pasagjerët do të marrin një kod QR i cili do të përdoret nga Mbrojtja Civile Greke për identifikimin e testit Random Covid-19 pas mbërritjes. Familjet gjithashtu mund të pranohen me vetëm një e-mail të përbashkët konfirmimi PLF dhe gjithashtu mund të pranohen me kodin e tyre unik PFL/QR.

Pasagjerët duhet të jenë në gjendje t'u demonstrojnë autoriteteve, kodin QR në një format elektronik ose të shtypur, pas mbërritjes në Greqi.

Fëmijët mbi 12 vjeç duhet të kenë patjetër test.

Familjarëve që bashkohen pas kaq kohësh, i urojmë vetëm mbarësi e shëndet.

Ju falenderojmë për bashkëpunimin,

Tirana International Airport

Aegean Airlines

#tiatravel #weriseagain

Tiranapost.al