Shëndeti

Cila maskë është më efektive në mbrojtjen kundër Covid, sipas një studimi

Cila maskë është më efektive në mbrojtjen kundër

A funksionojnë maskat? Dhe nëse po, a duhet të kërkoni një N95, një maskë kirurgjikale, një maskë rrobe apo një lëkure?

Gjatë një viti e gjysmë të kaluar, studiuesit kanë kryer studime të shumta në lidhje me efektivitetin e maskave. Sipas një studimi të fundit është zbuluar se mbajtja e maskave, veçanërisht maskave kirurgjikale, parandalon COVID-19.

Studime laboratorike dhe vëzhguese

Njerëzit kanë përdorur maska ​​për t'u mbrojtur nga infektimi i sëmundjeve që nga shpërthimi i murtajës Mançuriane në 1910.

Gjatë pandemisë së Covid 19, fokusi ka qenë në maskat si një mënyrë për të parandaluar personat e infektuar të kontaminojnë ajrin rreth tyre. Provat e fundit laboratorike e mbështesin këtë ide.

Në Prill 2020, studiuesit treguan se njerëzit e infektuar me një koronavirus-por jo SARS-CoV-2-nxirrnin më pak ARN koronavirus në ajrin rreth tyre nëse mbanin një maskë. Një numër studimesh laboratorike shtesë kanë mbështetur gjithashtu efikasitetin e maskave.

Mbajtja e maskave të rastësishme në shkallë të gjerë

Studimet laboratorike kanë mbështetur vazhdimisht vlerën e shumë llojeve të maskave.

Një studim i tillë i bërë në Danimarkë në fillim të vitit 2020 ishte jokonkluziv, por ishte relativisht i vogël dhe mbështetej tek pjesëmarrësit për të vetë-raportuar mbajtjen e maskave.

Nga Nëntori 2020 deri në Prill 2021 një studim u krye në Bangladesh për të mësuar më shumë rreth efektivitetit të mbajtjes së maskave dhe bërjes së krahasimit mes maskave pej rroba dhe maskave kirurgjikale.

Studimi përfshiu 341,126 të rritur në 600 fshatra në Bangladesh. Në 300 fshatra nuk u promovuan maskat, dhe njerëzit vazhduan t’i mbanin ato mbanin ato siç i kishin bërë më parë. Në 200 fshatra u promovua përdorimi i maskave kirurgjikale, dhe në 100 fshatra u promovua maska ​​prej pëlhure, duke testuar një numër strategjish të ndryshme për të mësuar rreth efikasitetit të tyre.

Mbajtja e maskave zvogëlon COVID-19

Në 300 fshatrat ku u shpërnda çdo lloj maske, u vërejt një ulje prej 9 përqind të COVID-19 në krahasim me fshatrat ku nuk u promovuan maskat.

Në fshatrat ku u shpërndanë maskat ​​kirurgjikale, COVID-19 ra me 12 përqind. Pas përfundimeve të studimit u vërejt se si maskat kirurgjikale ashtu edhe ato prej pëlhure rezultuan në një ulje prej 12 përqind.

Studimi siguroi dëshmi të forta që maskat kirurgjikale zvogëlojnë COVID-19, veçanërisht për të rriturit e moshuar të cilët përballen me përqindje më të larta të vdekjeve dhe paaftësisë nëse infektohen.

Kështu që herën tjetër kur pyesni veten nëse duhet të vendosni një maskë, përgjigja është po. Ju mund të vendosni maskat e rrobave nëse nuk keni tjetër, por maska ​​kirurgjikale ose maska ​​me efikasitet edhe më të lartë të filtrimit dhe përshtatje më të mire siç janë KF94, KN95 dhe N95-janë më efektivët në parandalimin e COVID-19.

Tiranapost.al