Shëndeti

Ka dy mënyra si mund t’i japim fund virusit

Ka dy mënyra si mund t’i japim fund virusit

Pyetja që ka tani e gjithë bota është: Kur do të marrë fund e gjitha kjo? Përgjigjja në fakt varet nga paqartësi që kemi ende lidhur sëmundjen që shkakton koronavirusi, përfshirë edhe dilemën nëse mund ta infektohemi më shumë se një herë dhe sa kohë do t’u duhet shkencëtarëve që të dalin me vaksinën. Kostoja dhe përfitimet e një izolimi të zgjatur dhe se çfarë mund të përballojnë vendet e ndryshme, si nga pikëpamja ekonomike ashtu edhe politike, janë gjithashtu faktorë.

Pra, si do të përfundon e gjitha kjo?

Ekziston një konsensus se pandemia do të përfundojë vetëm me vendosjen e të ashtuquajturit imunitet të masës. Kjo ndodh kur numër i mjaftueshëm njerëzish brenda një komuniteti janë imun nga një patogjen, që nuk mund të mbijetojë dot dhe zhduket vetvetiu. Ka dy rrugë për të arritur në këtë përfundim. Njëra është imunizimi. Studiuesit do të duhet të krijojnë një vaksinë të sigurt dhe efektive kundër koronavirusit dhe autoritetet shëndetësore duhet ta mundësojnë atë për një numër të mjaftueshëm njerëzish. Rruga e dytë për imunitetin e masës është më e rëndë: Mund të lindë pasi një pjesë e madhe e një komuniteti është infektuar nga patogjeni dhe në këtë mënyrë zhvillojnë rezistencë ndaj tij.

Kur mund të lehtësohen masat?

Njerëzit nuk duhet të presin që jeta të kthehet së shpejti në normalitet. Heqja e shpejt e kufizimeve rrezikon që të nisë një valë e re infeksioni. Autoritetet në Kinë filluan të rihapnin qytetin Ëuhan, kur nisi pandemia, dy muaj pasi ishte mbyllur, kur transmetimi i virusit kishte ndalur. Por masat e Kinës ishin më të rrepta se kudo tjetër në botë dhe të paktën një qark iu rikthye izolimit për herë të dytë. Zv/drejtori i sektorit mjekësor në Angli, Jenny Harries, tha se masat e bllokimit duhet të zgjasin 2, 3 ose, në mënyrë ideale, deri në 6 muaj. Annelies Wilder-Smith, një profesoreshë e sëmundjeve infektive në Shkollën e Higjienës dhe Mjekësisë Tropikale në Londër, rekomandon që kufizimet të qëndrojnë derisa rastet ditore të bien vazhdimisht për të paktën dy javë./ Burimi Bloomberg