OBSH ka një paralajmërim për ata që gjejnë ‘shpëtim’ tek alkooli këto kohë
OBSH paralajmëron se, pirja e alkoolit mund të rrisë shanset e njerëzve për t’u prekur nga koronavirusi.
Organizata Botërore e Shëndetit rekomandoi kufizimin e konsumit të alkoolit gjatë pandemisë, pasi mund të shkaktojë "mundësinë e cenimit të gjendjes shëndetësore, të rrisë rrezikun për t’u infektuar, probleme të shëndetit mendor dhe rritje të mundësisë për dhunë".
Sipas raportit të OBSH-së të publikuar dje: "Alkooli komprometon sistemin imunitar dhe rrit rrezikun e shfaqjes së probleme shëndetësore. Prandaj, njerëzit duhet të minimizojnë konsumin e alkoolit në çdo kohë dhe veçanërisht gjatë pandemisë Covid-19".
Autoriteti paralajmëron njerëzit të mos e besojnë mitin se pirja mund t'i mbrojë njerëzit nga koronavirusi, përkundrazi alkooli mund t'i bëjë njerëzit më të prekshëm ndaj tij.
Shefja e Programit të OBSH-së për Alkoolin dhe Drogat e Paligjshme, Carina Ferreira-Borges, tha që konsumi i lartë i alkoolit në Evropë mund të rrezikojë "shumë viktima".
"Gjatë pandemisë Covid-19, ne me të vërtetë duhet të pyesim veten se çfarë rreziqesh do të kemi duke i lënë njerëzit të mbyllur në shtëpitë e tyre me një substancë që është e dëmshme, si për sa i përket shëndetit të tyre, ashtu edhe efektet e sjelljes së tyre tek të tjerët, përfshirë dhunën", tha ajo.
#COVID19 : Stay sober so that you can remain vigilant, act quickly and make decisions with a clear head, for yourself and others in your family and community. pic.twitter.com/EmWyE3ELav
— Carina Ferreira-Borges (@DrCarina_FB) April 14, 2020
Në Britaninë e Madhe, udhëzimet e zyrtarëve të Mjekësisë, si për burrat ashtu edhe për gratë, kanë rekomanduar që mos të pihet më shumë se 6 gota verë ose birrë në javë. Në vendin tonë një shqetësim i tillë nuk ka marrë ende vëmendjen e specialistëve./ Burimi The Sun