'Pacienti i Gjenevës' është rasti i fundit që është shëruar nga HIV
E Enjte 20 Korrik 2023, 16:32
TiranaPost
Një burrë i njohur si "pacienti i Gjenevës" është bërë personi i fundit në botë që është shëruar nga HIV pas një transplanti të qelizave staminale për trajtimin e kancerit.
Ndërsa ka pasur pesë raste të tjera të njohura të njerëzve që janë shëruar nga HIV, rasti i tij është deri tani unik. Ai është i vetmi që ka marrë qeliza burimore nga një dhurues që nuk ka një mutacion të rrallë gjeni - ÇR5 - që bllokon HIV-in të hyjë në qeliza.
Pacientët e tjerë që ishin shëruar më parë nga HIV ishin në Berlin, Londër, Düsseldorf, Nju Jork dhe në qendrën mjekësore City of Hope në Kaliforni.
Në vitin 2018, pacienti i Gjenevës mori një transplant të qelizave staminale për të luftuar një formë agresive të leukemisë. Përkundër faktit se transplanti nuk ishte nga dikush që mbante gjenin ÇR5, pacienti i Gjenevës u shërua nga HIV.
Pacienti i Gjenevës nuk është identifikuar publikisht, por mediat shkruajnë se ai është një burrë i bardhë, i cili u diagnostikua me HIV në vitin 1990.
