Pirja e këtij çaji mund t'ju ndihmojë të digjni dhjamin gjatë gjumit
E Mërkurë 13 Janar 2021, 19:24
TiranaPost
Kur bëhet fjalë për dhjamin në bark, stërvitjet dhe agjërimi me ndërprerje mund të vijnë në mendje fillimisht.
Por një studim i ri i botuar në revistën Nutrients zbulon se pirja e çajit oolong mund t'ju ndihmojë të digjni dhjamin ndërsa jeni duke fjetur. Më konkretisht, studiuesit nga Universiteti i Tsukuba në Japoni zbuluan se pirja e vetëm dy filxhanëve çaji tradicional kinez çdo ditë rrit proceset e djegies së dhjamit në trup.
"Ashtu si të gjithë çajet, oolong përmban kafeinë, e cila ndikon në metabolizmin e energjisë duke rritur rrahjet e zemrës. Sidoqoftë, studimet sugjerojnë që konsumimi i çajit gjithashtu mund të rrisë djegien e yndyrës, pavarësisht nga efektet e kafeinës", tha në një deklaratë autori i studimit, Profesor Kumpei Tokuyama.
Çfarë zbuluan tjetër studiuesit pasi studiuan pjesëmarrësit në këtë studim për dy javë? Çaji oolong i cili nuk konsiderohet plotësisht një çaj jeshil ose i zi, duke pasur parasysh se shfaq karakteristikat e të dyve rrit djegien e yndyrës me 20%.
Një zbulim edhe më mbresëlënës është se efektet pozitive të çajit oolong në trup ishin të qëndrueshme gjatë gjithë natës.
Për më tepër, nuk kishte ndryshime të dukshme në mënyrën e gjumit të asnjërit grup, madje as kohën që u desh që ata të flinin, pavarësisht nga fakti se të dy trajtimet përfshinin kafeinë.
Mungesa e gjumit mund të prishë edhe metabolizmin e energjisë një grup procesesh që trupi përdor për të prishur ushqimin dhe për ta përdorur atë si energji që mund të shkaktojë shtim në peshë me kalimin e kohës. Sidoqoftë, oolong nuk dha ndonjë efekt negativ në gjumin e pjesëmarrësve.
Profesori Tokuyama thotë se ndërsa oolong djeg dhjamin gjatë gjumit mund të ndihmojë në kontrollin e peshës trupore, por është e paqartë nëse këto efekte në të vërtetë do të çojnë në humbje të dhjamit për një periudhë të zgjatur kohe.
Artikulli i marrë nga eatthis, përkthyer dhe përshtatur në shqip nga Tiranapost.al.
