Sa më shumë muskuj tek këmbët, aq më pak rrezik për një goditje në zemër
E Martë 30 Maj 2023, 08:47
TiranaPost
Sa më shumë muskuj, aq më pak të rrezikuar ndaj një ataku kardiak. Sidomos muskujt e këmbës duket se lidhen me një rrezik më të ulët ndaj problemeve me zemrën. Kështu sugjeron një studim i ri.
Studimi u prezantua në Pragë, në kongresin shkencor 'Heart Failure 2023' të Shoqatës Evropiane të Kardiologjisë.
Më kalimin e moshës masa muskulore bie dhe rreziku shtohet. Po si e shpjegojmë mjekët lidhjen?
Pas një ataku kardiak, i njohur shkencërisht si infarkt i miokardit, zemra mund të kalojë përmes një procesi të quajtur rimodelimi i miokardit, ose rimodelimi kardiak, në të cilin grumbullohet indi fijor, duke shkaktuar një zmadhim të zemrës. Por provat e reja sugjerojnë se rehabilitimi kardiak i bazuar në ushtrime mund të ndryshojë rrjedhën e një rimodelimi të tillë në një mënyrë që përmirëson funksionin e zemrës.
Rimodelimi i zemrës është shkaku kryesor i fillimit të dështimit të zemrës pas infarktit të miokardit. Dhe miokinat, të cilat janë peptide ose zinxhirë aminoacidesh të çliruara nga fibrat e muskujve, mund të luajnë një rol.
Përveç kësaj, studimet e fundit kanë treguar se vetë muskujt skeletorë çlirojnë edhe miokina, citokina që kanë efekte të ndryshme, si parandalimi i përparimit të aterosklerozës, stabilizimi i presionit të gjakut dhe parandalimi i zhvillimit të sëmundjeve të lidhura me moshën.
Studiuesit analizuan forcën e muskujve kuadricep – në pjesën e përparme të kofshëve – të 932 personave të moshës 57 deri në 74 vjeç, të cilët ishin shtruar në spital për shkak të goditjes në zemër midis viteve 2007 dhe 2020. Ata zbuluan se shkalla e incidencës së dështimit të mëvonshëm të zemrës ishte më e lartë, në 22,9 për 1,000 persona në mesin e pacientëve, kuadricepsi i të cilëve ishte më i ulët, krahasuar me një normë incidence prej 10,2 për 1,000 persona midis atyre me forcë të lartë kuadriceps.
