Alessio Alia, sërish baba dhe ka tre gëzime në një ditë
E Premte 10 Korrik 2020, 13:03
TiranaPost
Balerini Alessio Alia është bërë për herë të tretë baba dhe ka ndarë foto nga salla e lindjes. Ka zgjedhur t`ia presë vetë kërthizën djalit dhe ta ruajë si kujtimin më të bukur.
Po ky nuk është i vetmi gëzim. I ka renditur.
“Thonë që treshi është numër magjik. 1 Nëna e tre fëmijëve të bukur është mirë. 2 Bebi im i vogël sapo erdhi në jetë dhe quhet Zayn Izaak Alia. 3 Nëna ime ndan të njëjtën ditëlindje me djalin tim. Ju dua. Zoti ju bekoftë”, shkruan Alessio.
Ai ka edhe dy fëmijë të tjerë: një djalë dhe një vajzë.