Ellen DeGeneres e trishtuar për vdekjen e ish të dashurës së saj Anne Heche
E Shtunë 13 Gusht 2022, 12:25
TiranaPost
Ellen DeGeneres postoi një mesazh të përzemërt për ish të dashurën e saj Anne Heche.
Mesazhi i ish-prezantueses së emisionit të njohur “The Ellen Show” erdhi vetëm pak çaste përpara se të konfirmohej se Heche ishte shpallur ligjërisht e vdekur, megjithëse zemra e saj po vazhdon të rrahë në mënyrë që organet e saj të mund të dhurohen.
“Kjo është një ditë e trishtuar,” tha DeGeneres e cila ishte në lidhje me Heche nga viti 1997 deri në 2000 me Anne. “Unë po u dërgoj fëmijëve, familjes dhe miqve të Anne të gjithë dashurinë time."
DeGeneres dhe Heche ishin aq të lidhura saqë në vitin 1999 ato deklaruan se nëse Vermont legalizonte martesën e të njëjtit seks, atëherë ato do të shpallnin martesën.
