Showbiz

Gazetari Aleksandër Çipa kritikon Aurela Gaçen për këngën e fundit: Kush ta bëri këtë tekst?

Gazetari Aleksandër Çipa kritikon Aurela Gaçen për

Gazetari Aleksandër Çipa ka bërë një analizë për këngën e fundit të Aurela Gaçe, ndërsa kritikon tekstin e saj

Ai shkruan se refreni i “Lento-lento” të lë shijen e zhargonit të Çoles. Gazetari kujton se Aurela ka kënduar këngë të shkruara nga poetë të njohur si Xhevahir Spahiu apo Ilirian Zhupa, ndërsa ‘tashmë e trishton rënia në “kovaçanen” e fjalës mballosje’.

Deri më tani këngëtarja nuk ka bërë asnjë reagim lidhur me këtë deklaratë, ndërsa ka postuar në Instagramin e saj sa mirë është pritur nga fansat.

Postimi i plotë:

E madhe Aurela e Vlores sime!

E talentuara Artiste e Laberise dhe Shqiperise sime, Aurela Gaçe!

Ti e di se sa e çmoj artin dhe talentin tend interpretues. Eshte e tepert te shtoj kompliment, sepse ende nuk e kam gjetur fjalen shteruese. Por sot, bashke me urimin per kengen e re, dua te ta çoj kritiken publikisht.

Kush ta beri kete tekst? Pse duhet te bjere nje artiste e detajeve dhe e peshes kuptimore, ne te gjitha elementet e saj, ne varferine e se thjeshtes pa permbajtje e ne zhargon gati lumpenik fjalesh?!?! Kete nuk dua dhe nuk do te doja ta gjeja tek krijimet e tua, te cilat kane udherrefyer dhe kryesojne shije brezash dhe artistesh te rinj ne kete vend.

Kriza e teksteve te kenges shqipe ka kohe qe ka uzurpuar dhe banalizuar pjesen me te madhe te produksioneve muzikore dhe prurjet e disa breza kengetaresh te te gjitha zhanreve dhe preferencave muzikore. Kjo krize nuk eshte e vetme. Ne kete krize gjenden shume fusha, perfshi edhe timen, ku gjendem profesionalisht. Por perhere kemi pasur nje pervoje sharmante dhe sqimatare ndaj teksteve te kengeve tona madje, ne nje koheshtrirje nje shekullore.

Aurela e shtrenjte, sikur nivelin e tekstit te refrenit tend, ta kishe mbajtur se paku ne vleren asociative te “lento- lento-s”, do te mbetej me e bukur dhe nuk do te na linte ne shijen e zhargonit te Çoles. Kur mendoj se tekste te kengeve te tua i kane shkruar poete gjuhebukur si Xhevahir Spahiu, Ilirian Zhupa etj, etj, etj, me trishton renia ne “kovaçanen” e fjale mballosjes, per tekstin e kenges se fundit.