Tom Brady ka folur për divorcin e tij nga Gisele Bundchen në një intervistë. Ai u shpreh se po fokusohet te familja dhe karriera në mes të një “situate shumë miqësore”.
“Natyrisht, lajmi i mirë është se është një situatë shumë miqësore, dhe unë jam vërtet i fokusuar në dy gjëra: të kujdesem për familjen time dhe sigurisht fëmijët e mi, dhe së dyti të bëj punën më të mirë që mundem për të fituar ndeshjet e futbollit. Kështu bëjnë profesionistët. Ju përqendroheni në punë kur është koha për të punuar, dhe më pas kur ktheheni në shtëpi, përqendroheni në prioritetet që janë në shtëpi. Kjo është ajo që unë do të vazhdoj të bëj për sa kohë që jam duke punuar dhe për sa kohë që jam baba.Të gjithë kalojnë gjëra të ndryshme në jetë. Të gjithë kemi sfidat tona unike. Ne jemi të gjithë njerëz. Ne bëjmë më të mirën që mundemi”, tha Brady.
Brady dhe Bundchen njoftuan në Instagram divorcin e tyre. Ata ishin prej 13 vitesh bashkë.
