Rekord i ri për Billie Eilish! Më e dëgjuara në Spotify
E Enjte 22 Gusht 2024, 10:20
TiranaPost
Rekord i ri për artisten e re amerikane. Në orët e fundit Billie Eilish është bërë këngëtarja me numrin më të madh të dëgjuesve mujor në Spotify .
Ndër vite artistja ka grumbulluar çmim pas çmimi, duke u bërë një nga artistët më me ndikim në botë. Albumi i fundit Hit Me Hard and Soft kryesoi listat duke shitur qindra mijëra kopje. Suksesi i projektit të ri dhe bashkëpunimi i fundit me Charli XCX e kanë sjellë këngëtaren në majën e Spotify. Billie Eilish numëron 101,105,704 dëgjues për të qenë të saktë.
Artistja ka komentuar arritjen e saj në Instagram.
“Numri një në botë në Spotify, nuk mund ta besoj. Ju dua shumë të gjithëve, kjo është gjëja më e çmendur ndonjëherë”.
