Piktori i njohur Artan Shabani humb babanë: Nuk të qajmë vitet, por hallet
E Shtunë 10 Qershor 2023, 20:59
TiranaPost
Piktori Artan Shabani ka humbur sot babanë. Lajmin e ka njoftuar vetë artisti përmes një postimi në Instagram, ku ka shprehur edhe dhimbjen e tij.
“Sot, në orët e para të mëngjesit, u nda nga jeta babai im Taip Fetah Shabani. Me dhimbje në shpirt dhe me krenarinë që do shoqërojë gjithkënd që pati ecur pranë tij në këtë jetë, i themi lamtumirë!
I shtrenjti baba nuk të qajmë vitet, të qajmë hallet e një jete të vështirë, që, përmes dinjitetit dhe qëndrimit burrëror i përballove me forcën e arsyes dhe durimit.
Lutem që shpirti i tij të shndrisë i gjallë në zemrat dhe mendimet tona,” shkruan ai.
