Fjalimi (jo edhe aq Barbie) i America Ferrerrës bën për vete rrjetin! Ja sepse…
E Hënë 31 Korrik 2023, 17:21
TiranaPost
America Ferrera luan një nënë single në filmin e Greta Gerwig, “Barbie”. Por ajo ka bërë një fjalim të fortë në mbështetje të të gjitha grave të cilat sipas saj janë të detyruara të bëjnë një jetë kontradiktore.
“Është e pamundur të jesh grua,” thotë aktorja dhe për këtë ajo nuk kursen as kukullën Barbie.
“Është e pamundur të jesh grua. Ti je kaq e bukur dhe kaq e zgjuar, sa më vret që nuk mendon se je mjaftueshëm e mirë. Ne gjithmonë duhet të jemi të mrekullueshme, por në njëfarë mënyre gjithmonë gabojmë. Duhet të jemi elegante, por jo shumë të dobëta. Nuk mund të thuash kurrë se dëshiron të jesh e dobët. Duhet të thuash që dëshiron të jesh e shëndetshme, por në të njëjtën kohë duhet të jesh edhe e dobët. Duhet të kesh para, por nuk mund të kërkosh para, sepse është e vrazhdë. Duhet të jesh shefe, por nuk mund të jesh e keqe. Ju duhet të udhëheqësh, por nuk mund të shtypni idetë e të tjerëve. ‘Më pëlqen që je nënë, por mos fol për fëmijët gjatë gjithë kohës’. Duhet të jesh një grua në karrierë, por edhe të shqetësohesh gjithmonë për të tjerët. Duhet të marrësh përgjegjësinë për sjelljen e keqe të meshkujve, gjë që është absurde, por nëse e vë në dukje akuzohesh se ankohesh kot. Ju duhet të qëndroni të bukura për burrat, por jo aq të bukura për t'i tunduar ata, apo për të cenuar gratë e tjera. Asnjëherë mos u plak, mos u trego e pasjellshme, mos u trego kurrë egoiste, mos u rrëzo, mos dështo, mos u tremb, mos dil kurrë nga linja... Kjo është shumë e vështirë! Është dhe mjaft kontradiktore dhe askush nuk të jep një medalje, apo të të falenderojë. Jam lodhur duke parë veten dhe çdo grua tjetër të shkatërrohet që njerëzit ta pëlqejnë. Dhe nëse e gjithë kjo vlen për një kukull që përfaqëson gratë, atëherë nuk di as çfarë të them."
