Sot nis censusi me 100 pyetje. Sa do të jenë gjobat për ata që s`përgjigjen?
E Hënë 18 Shtator 2023, 09:13
TiranaPost
Do të nisë sot Censusi i Popullsisë dhe Banesave.
Mbi 7 mijë e 500 anketues, mbikëqyrës dhe kontrollorë janë trajnuar nga Instituti i Statistikave.
Të dhënat do të mblidhen brenda gjashtë javëve.
Ndryshe nga çdo census i mëparshëm, këtë herë i gjithë pyetësori do të zhvillohet online, përmes tabletit.
Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhënat për strehimin, shëndetësinë, punësimin e të tjera. Pyetësorët janë me tetë module dhe 100 pyetje.
Për ata që refuzojnë të pëgjigjen gjobat do të jenë nga 50 mijë lekë të reja deri në 1 mijë lekë të reja.
Procesi do të mbyllet më 28 tetor. Më pas, të dhënat do të publikohen në qershor të 2024-ës, ndërsa më të detajuara në dhjetor të 2024-ës.
