Dani Alves shpallet fajtor për një përdhunim dhe dënohet me burg
E Enjte 22 Shkurt 2024, 13:48
TiranaPost
Ish-futbollisti i Barcelonës dhe Brazilit, Dani Alves, u shpall fajtor sot nga një gjykatë spanjolle për përdhunimin e një gruaje në një klub nate të Barcelonës. Ngjarja ka ndodhur në orët e para të 31 dhjetorit të 2022-shit. Ai u dënua me katër vjet e gjashtë muaj burg.
Alves, 40 vjeç, i cili është një nga futbollistët më të dekoruar në historinë e sportit, e mohoi këtë histori. Vendimi mund të apelohet.
Sipas dëshmisë së viktimës së përdhunimin, ai e joshi në tualetin e zonës vip, në klubin e natës dhe më pas e përdhunoi.
Alves u shpall fajtor, u dënua me burg dhe kërkesa e tij për lirim me kusht dhe 50 mijë euro dëmshpërblim, u refuzuan nga gjykata.
