SPORT

Doktori që operoi Zaniolon jep lajmin e keq

Doktori që operoi Zaniolon jep lajmin e keq

Nicolò Zaniolo mund të ketë humbur tërë sezonin, madje edhe pjesëmarrjen në Europian. Sipas “Gazzetta dello Sport”, ky do të ishte rreziku më i madh për talentin e Romës, pas këputjes së ligamentit të kryqëzuar në gjurin e majtë.

Sipas profesorit Christian Fink, i cili dje operoi mesfushorin sulmues të verdhekuqve, koha për një rikuperim optimal dhe shmangien e rreziqeve do të ishte më e gjatë se gjashtë muaj, që e kërkon një dëmtim të këtij lloji. Mjeku i njohur austriak rekomandon nëntë muaj riaftësim para se të kthehet në fushat e blerta, për të shmangur telashe të tjera, që do të rrezikonin karrierën e futbollistit italian.

Sidoqoftë, kthimi në mes të qershorit do të nënkuptonte edhe humbjen e Kampionatin Evropian, pasi pa arritur formën fizike me Romën, Mancini nuk mund ta grumbullojë në përfaqësuese.