SPORT

Manchester United dhe Baseli fitojnë thellë, me një këmbë në çerekfinale

Manchester United dhe Baseli fitojnë thellë, me një
Manchester United dhe Baseli hedhin një hap të sigurt drejt kualifikimit në fazën e çerekfinale të Europa Leagues. “Djajtë e Kuq” fituan 0-5 në fushën e LASK Linzit, ndërsa skuadra zvicërave, pjesë e së cilës është Taulant Xhaka, iu imponua 0-3 në transfertë Eintracht Frankfurtit.

United u tregua praktik në fushën e austriakëve, duke shënuar 5 herë me Ighalon (28’), James (58’), Juan Matan dhe në shtesë me Greenwood dhe Pereiran, për ta patur formalitet ndeshjen e kthimit në “Old Traford”.

Por nëse suksesi i skuadrës së Ole Gunnar Solskjaer ishte i pritshëm në Austri, Eintrachti i Frankfurtit mori një shuplakë në shtëpi nga Baseli, me Xhakën që luajti titullar dhe qëndroi gjatë gjithë ndeshjes në fushë. Campo zhbllokoi takimin në minutën e 27-të, ndërsa Bua i çoi shifrat në 0-2 në të 78-ën. Golin e “knockout”-it e realizoi Frey 5 minuta para përfundimit të kohës së rregullt.

Takimi tjetër mes skuadrës turke Basaksehir dhe Copenhagenit u mbyll me fitoren minimale të vendësve falë golit të Viscas me 11-metërsh në fundin e sfidës. Gjithsesi, çështja e kualifikimit mbetet e hapur në takimin e kthimit.