Spanja është ekipi i radhës që u eleminua ditën e sotme nga Botërori. Në përballjen me Marokun përgjatë 120 minutave asnjëra prej skuadrave nuk shënoi.
Sfida u vendos nga penalltitë, aty ku spanjollët goditën tre dhe nuk shënuan asnjë, ndërsa marokenët shënuan 3 nga 4 dhe fituan 3-0.
Padyshim protagonist portieri Bono, që përveç pritjeve gjatë lojës, ndali edhe dy penallti.
Spanja humbi edhe me Japoninë, një rezultat që u komentua si i kalkuluar nga trajneri Luis Enrique për të shmangur Kroacinë në fazën e 1/8-ave, por edhe me Marokun nuk ia doli të shkojë në çerekfinale.
