Shqipëria humb miqësoren me Katarin, trajneri Reja merr karton të verdhë
E Mërkurë 9 Nëntor 2022, 20:48
TiranaPost
Kombëtarja e grumbulluar kryesisht me lojtarë që luajnë në superligën shqiptare nga trajneri Reja ka humbur mbrëmjen e sotme ndeshjen miqësore me Katarin.
Sfida që përfundoi në rezultat minimal 1-0 u zhvillua në Marbella të Spanjës.
Kuqezinjtë e pësuan golin e parë në minutën e 37-të të pjesës së parë me penallti.
Në pjesën e dytë ishte ekipi ynë që pretendoi një penallti por në vend të saj, trajneri Reja u ndëshkua me karton të verdhë nga gjyqtari.
Përballja përfundoi në rezultatin 1-0 për ekipin e Katarit.
