Sylvinjo: Jemi një ekip me 20 vjeçarë kryesisht. Mos i gjykoni si me Italinë
E Mërkurë 19 Qershor 2024, 17:59
TiranaPost
Trajneri Sylvinjo në një intervistë pas ndeshjes, tha se nuk është dakord me opinionin që me Italinë nuk u luajt mirë.
Mos harroni tha ai që shumica e skuadrës është me lojtar të talentuar, por shumë të rinj dhe që nuk kanë patur eksperiencë në të tilla kampionate. Kërkohet kohë.
Ai tha se ndeshja me Kroacinë do të mbahet mend gjatë nga shqiptarët si një ndeshje e shkëlqyer.
“Mendoj se zhvilluam një ndeshje shumë të mirë kundër një skuadre të shkëlqyer. Respekt për trajnerin dhe lojtarët e tyre. Ishim shumë mirë në pjesën e parë, kishim mundësi për të shënuar golin e dytë. Më pas pësuam dy gola në të dytën, por ia dolëm të barazonim. 5 minutëshi i fundit do të mbetet në memorien e gjithë botës dhe gjithë shqiptarëve. Shumë bukur.
Jemi ambiciozë, të ecim përpara. Kjo Kombëtare ka shumë lojtarë me potencial dhe të rinj, të cilët po marrin përvojë. Do e mbajmë mend gjatë këtë ndeshje. Paraqitjen e vendos rezultati. Nëse do të futej ai top i Manajt me Italinë do të flisnim ndryshe”, tha Sylvinjo.
