Vajzat e Vllaznisë shpallen kampion! Anila Basha: Kurora tregon se me punë e përkushtim çdo rezultat vjen
E Diel 12 Maj 2024, 22:00
TiranaPost
Vllaznia është shpallur zyrtarisht kampione e edicionit futbollistik 2023-2024 në kampionatin e futbollit të vajzave, që këtë sezon ishte i veçantë për shkak të aplikimit të formulës “Final Four”.
Në finalen e zhvilluar në “Shtëpinë e Futbollit” ndaj Apolonisë, Vllaznia fitoi me rezultatin e thellë 4-0 duke siguruar trofeun e 11-të radhazi të titullit kampion të Shqipërisë në futbollin e vajzave.
Kryetarja e Komitetit të vajzave në FSHF dhe gazetarja Anila Basha ka reaguar për triumfin e Vllaznisë me anë të një statusi.
Postimi i Anila Bashës: Urime vajzave të ekipit të Vllazisë për shpalljen si ekip Kampion për të 11-in vit radhazi. Kampionati këtë sezon kishte garë, gola, talente dhe ekipe që konkurruan denjësisht, duke përfshirë edhe Apoloninë, Partizanin e Tiranën që u përballën në "Final 4". Kurora mbi kryet e Vllaznisë tregon se me punë, pasion, dedikim, përkushtim e stërvitje me disiplinë e të përditshme, rezultati pozitiv vjen. Unë besoj se vajzat e Vllaznisë do të na përfaqësojnë denjësisht në nisjen e rrugëtimit europian. Sot ështe dita e tyre e festës së madhe.
