Ekzistojnë 8 lloje njerëzish të vështirë dhe ky është më i keqi
E Diel 21 Maj 2023, 18:06
TiranaPost
Nga Amy Gallo/ Të punosh me njerëz të vështirë është pjesë e jetës. Nuk mund t’u shpëtosh atyre. Por gjithashtu nuk keni pse të buzëqeshni dhe të përballoni stresin sikur nuk keni zgjidhje tjetër.
Ndërsa hulumtoja për librin tim të ri, ”Getting Along”, unë identifikova tetë lloje njerëzish të vështirë.
1. Pasivo-Agresivi është absolutisht më i keqi në këtë listë, sepse ata janë më të zakonshmit. Ata mund të përdorin metoda indirekte për të shprehur mendimet dhe ndjenjat, kështu që qëllimet e tyre nuk janë kurrë të qarta.
2. Shefi i pasigurt ju bën të vini në dyshim çdo lëvizje tuajën. Ata madje mund të dëmtojnë qëllimisht karrierën tuaj nëse ju perceptojnë si një kërcënim.
3. Pesimisti tregon vazhdimisht të gjitha mënyrat se si diçka mund të dështojë. Ndonjëherë duket sikur ata kurrë nuk mund të gjejnë ndonjë gjë pozitive për të thënë.
4. Viktima është një lloj pesimisti që ndihet sikur të gjithë duan ta sulmojnë. Ata nuk marrin përgjegjësi për veprimet e tyre dhe vetëm i drejtojnë gishtat njerëzve të tjerë për dështimet e tyre.
5. Know-it-all është i bindur se është personi më i zgjuar në dhomë, i kushton vëmendje vetes gjatë gjithë kohës dhe nuk e ka problem për të ndërprerë.
6. Torturuesi është dikush që ka fituar rrugën e tij drejt majës, zakonisht duke bërë sakrifica dhe zgjedh që të sillet me të tjerët ashtu siç janë sjellë me të.
7. Paragjykuesi: Pavarësisht se çfarë mendojnë ata, sjellja e tyre është e papërshtatshme dhe e dëmshme.
8. Operatori Politik është i fokusuar në avancimin e karrierës- por në kurrizin tuaj.
*Amy Gallo është një redaktore kontribuese në Harvard Business Review dhe autore e “Getting Along: Si të punosh me këdo (edhe me njerëz të vështirë)”
