Stil jete

Çfarë i ndodh trupit nëse heq totalisht dorë nga kripa?

Çfarë i ndodh trupit nëse heq totalisht dorë nga kripa?

Nëse ke hequr dorë nga kripa për shkak të veshkave, tensionit apo gjithë arsyeje të tjera, duhet të dish që është sa e dëmshme, aq edhe e dobishme. Kripa është një elektrolit i rëndësishëm që e ndihmon trupin të funksionojë normalisht. Ndaj edhe duhet të mos hiqni totalisht dorë prej saj. Nëse e bën këtë gjë, atëherë mëso fillimisht pasojat.

Mund të shtosh në peshë

Kripa e jodizuar është e rëndësishme për hormonet tuaja dhe nëse ndërprisni plotësisht marrjen e kripës, burimet e jodit do të kufizohen. Si rezultat, mund të filloni të shtoni peshë, të keni një fytyrë të fryrë, lëkurë të thatë dhe të përjetoni dobësi dhe lodhje të muskujve.

Mund të ndikojë në zemrën tuaj

Një dietë e ulët natriumi ka treguar se ofron shumë përfitime, veçanërisht për njerëzit me probleme të zemrës. Ekziston një studim që tregoi se kur hani më pak kripë mund ta dëmtoni më shumë zemrën.

Mund të rrisë insulinën

Studimet kanë treguar se kur nuk marrim mjaftueshëm natrium në dietën tonë mund të ndikojë në rezistencën tonë ndaj insulinës. Kjo do të thotë që trupi ynë nuk do t'i përgjigjet mirë insulinës dhe kjo mund të çojë në sheqer në gjak më të lartë.

Mund të përjetoni simptoma të dehidrimit

Kur nivelet e natriumit bien në mënyrë drastike në gjak, ju mund të përjetoni simptoma që janë shumë të ngjashme me dehidratimin. Kështu që, mund të keni një gojë të thatë, t`ju merren mendtë, të ndjeheni të etur dhe të shkoni më pak në tualet.

Mund të filloni të ndjeni të përziera

Mosngrënia e kripës mund të ketë një ndikim të madh në nivelet e kolesterolit. Ndërsa kjo zakonisht nuk ka simptoma të hershme, ajo mund të sulmojë pjesë të tjera të trupit tuaj, duke përfshirë zemrën. Një nga simptomat që mund të përjetoni janë të përzierat.