Forbes e nxori listën e 10 më të pasurve në botë! Asnjë grua, të gjithë burra
E Hënë 4 Dhjetor 2023, 09:18
TiranaPost
Ne themi se gratë…, se gratë…, se gratë…, por kjo listë e Forbes të kujton se ndryshe nga kënga e Beyonce “Who run the World”, janë burrat që mbajnë stafetën.
Miliarderët në krye të listës së Forbes kanë pasur një nëntor shumë të mirë - të paktën për sa i përket aksioneve të tyre. Të gjithë 10 njerëzit më të pasur në botë janë sot më të pasur se një muaj më parë. Pasuria e tyre u rrit me afro 115 miliardë dollarë - një rritje prej 9%, për shkak të rritjes së aksioneve që variojnë nga Tesla në Alphabet.
Forbes ka ruajtur gjurmët e miliarderëve të botës që nga viti 1987.
Së bashku, 10 njerëzit më të pasur në botë, sipas Forbes, kanë një vlerë prej 1.44 trilionë dollarësh.
Fituesi më i madh në muajin e kaluar ishte Elon Musk, personi më i pasur në botë; një rritje gati 17% e çmimit të aksioneve të Tesla-s gjatë nëntorit e shtyu pasurinë e Musk-ut me 28 miliardë dollarë në 245 miliardë dollarë. Drejtori ekzekutiv i prodhuesit të makinave elektrike Tesla, Musk zotëron gjithashtu aksione në firmën private të raketave SpaceX dhe kompaninë e mediave sociale X, e njohur më parë si Twitter.
Tiranapost.al
