Gabimet që bëjnë gjatë arredimit, ata që kanë shtëpi të vogël
Nëse ke një shtëpi të vogël dhe dëshiron ta arredosh apo të bësh disa ndryshime sepse e kupton edhe vetë që “s`është aty ku duhet”, duhet të mësosh së pari gabimet që shpesh bëhet gjatë mobilimit.
Dhomë e vogël, tapet i vogël?
Gabim. Nëse dhoma është e vogël, tapeti i madh do ishte një ide shumë e mirë.
Në vend të një abazhuri të madh mund të zgjedhësh disa mënyra më fine ndriçimi, si spotet ose ndriçimi i fshehur.
Dhoma me dritaren më të madh duhet të jetë patjetër sallon. Aty do qëndrosh gjatë ditës dhe të duhet drita. ç`e do ndriçimin natyral në dhomën e gjumit ku do shkosh vetëm gjatë natës?
Mobiljet e qelqit janë më të mira për ambientet e vogla, sesa ato të drurit.
Divanin zgjidhe me këmbëza dhe jo të pozicionuar në tokë.
Pasqyrat zgjidhi të mëdha.
Kurse televizorin ngjite në mur.