Historia e 105 vjeçares që u diplomua me Master në Stanford
E Mërkurë 19 Qershor 2024, 09:42
TiranaPost
Kjo është një jetë me arritje të jashtëzakonshme dhe pa kufizime. Kush dëshiron mund ta kapë mundësinë, pasi nuk ekziston asnjë forcë që ta ndalojë. Historia e 105-vjeçares së diplomuar në Master, e vërteton këtë.
Virginia Ginger Hislop u regjistrua në Universitetin e Stanfordit në vitin 1936. Në atë kohë ishte një vajzë e re që po kryente studimet.
Në vitin 1940, ajo mori diplomën e saj bachelor në arsim. Kishte në plan të ndiqte edhe studimet master, por nisi Lufta e Dytë Botërore. Burri i saj u thirr të shërbente në luftë. Ajo kishte dy fëmijët. Punën. Dhe lufta mund të shkatërrojë planet, por jo ëndrrat.
Tetë dekada më vonë, Hislop u kthye në Stanford. Sot, 105 vjeçe ka në duar diplomën e saj.
Ky në video është momenti i diplomimit.
“O Zot, kam pritur gjatë për këtë”, tha ajo gjatë tërheqjes së diplomës. Ishte dhëndri i saj ai që kontaktoi Universitetin Stanford në mënyrë se Virginia të shlyente gjithë kreditet, për t`u diplomuar në master.
