Stil jete

Ja pse refuzimi është në të vërtetë i mirë për trurin tuaj

Ja pse refuzimi është në të vërtetë i mirë

Refuzimi është një përvojë universale, por thumbimi i tij ende mund të ndihet kaq individual.

"Të gjithë refuzohen pa pushim në mënyra të mëdha dhe të vogla, thotë Mark Leary", një ish-profesor psikologjie në Universitetin Duke.

Në vend që ta shihni refuzimin si një emocion dekurajues, shikojeni atë si një shenjë se truri juaj po funksionon saktësisht siç duhet.

Ndjenja e refuzimit është e dobishme

Historikisht, turpi dhe ankthi që vjen me refuzimin ka qenë një mjet i dobishëm, thotë Leary.

“Gjatë gjithë evolucionit njerëzor, të qenit i pranuar dhe i përfshirë në grupe ishte thelbësore për mbijetesën tonë,” thotë ai.

Të qenit i refuzuar nga një grup ose bashkëshort kishte pasoja shumë më të mëdha qindra vjet më parë sesa tani. Prapëseprapë, ne jemi “të vendosur”, që ta lexojmë refuzimin si një kërcënim për shëndetin tonë.

“Arsyeja pse vazhdon të dhemb është e njëjta arsye pse ne vazhdojmë të përjetojmë dhimbje kur shkelim një objekt të mprehtë”, thotë ai. “Emocionet negative janë një paralajmërim se diçka mund të dëmtojë mirëqenien tuaj.”

Neutraliteti nuk është refuzim

Nëse e merrni refuzimin personalisht, vetëvlerësimi juaj do të vuajë, thotë Leary. Por nëse ia atribuoni padrejtësinë botës, kjo do t’ju bëjë të zemëruar.

“Bëni çmos për të bërë një vlerësim realist të problemit,” thotë Leary.
Nëse dikush nuk ju telefonon për disa ditë, mos u nxitoni në përfundimin se nuk duan të flasin. Ata mund të jenë të sëmurë ose të zënë.

Ndihmon gjithashtu të mbani mend se ndoshta nuk po refuzoheni aq shumë sa mendoni.

“Njerëzit keqinterpretojnë ambivalencën dhe neutralitetin si refuzim,” thotë Leary. “Shumë njerëz shohin shumë më tepër refuzim sesa ka në të vërtetë.”
Kjo mund të jetë izoluese dhe të shkaktojë një lloj kompleksi viktimash.

“Natyrisht bie shi mbi të gjithë ne, por nëse mendoni se po bie shi vetëm mbi ju, kjo është me të vërtetë dekurajuese. Mos harroni se refuzimi është një pjesë normale e jetës së secilit dhe të ndjeheni keq për këtë do të thotë se truri juaj po funksionon në mënyrën e duhur, thotë Leary.