Jillian Michaels zbulon gabimin nr. 1 të dietës që bëjnë njerëzit—përveç Ozempic
E Hënë 5 Shkurt 2024, 10:08
TiranaPost
Për të gjithë ata që po mendojnë të përdorin Ozempic për t`u dobësuar, trajnerja Jillian Michaels ka një këshillë! Mos!
Ajo shprehet se nëse kjo do të ishte zgjedhja e duhur për të ulur kilogramët, do të ishte vetë ajo e para që do ta promovonte në rrjetet e saj sociale.
Dhe problemi sipas saj nuk vjen thjesht nga ideja se përdorimi i injeksionit për dobësim është mashtrim.
Ajo mendon se ky medikament është e kundërta e një rrugëdaljeje të lehtë.
Pas përdorimit, brenda vitit të parë të lënies së injeksioneve e rifiton peshën e humbur. Çelësi i humbjes së peshës nuk mund të jetë diçka që injektohet në trup.
Përdorimi i teknologjisë për të gjurmuar statistikat si kaloritë e djegura, hapat dhe orët e gjumit është çelësi për të qenë të shëndetshëm.
Problemi nuk janë ëmbëlsirat apo karbohidratet që hani. Problemi është të mos kesh mjetet e duhura për të matur sa hani dhe sa harxhoni.
Nuk mund t`i vini vetes një qëllim, për shembull do humbas kaq kg dhe po bëni çdo gjë për ta arritur. Ky është gabim. Qëllimet e pabaza mund të sjellin në veprime të gabuara.
Së pari ul sasinë. Së dyti byrekun shkëmbeje me një copë picë dhe një sallatë, ose një copë pule.
Si fillim merrni kohën për të kuptuar sa kalori ka gjithçka që hani. Pastaj matini ato që hani dhe ato që harxhoni dhe lini një deficit prej 500 kalorish. Dy javët e para do të jetë e lodhshme, por do mësoheni. E gjithë kjo sakrificë do të shpërblehet me 1 kg më pak, çdo javë.
Orët inteligjente janë shumë të mira për të matur sa kalori digjni.
Mos harroni të bëni 20 minuta stërvitje në dhomën tuaj, qoftë kur jeni duke folur në telefon. Mos qëndroni ulur, lëvizni. Thjesht vetëm lëvizja do t`ju sjellë një ndryshim të madh.
