Ky serial i ri është versioni i 2020-s i “Sex and the City”
“Sex and the City” është një nga serialet ikonë, që ndoshta e mendoni edhe si të pazëvendësueshëm. Por një serial i ri po cilësohet nga mediat si versioni i 2020-s i tij dhe titullohet “Love Life”. Personazhin kryesor e luan Anna Kendrick.
"Jetët tona të dashurisë shumë thjesht mund të shndërrohen në të thëna. Për shembull, deri në kohën kur një person përfundon me dashurinë e jetës së tij, ai duhet të ketë qenë në 7 lidhje. Prej tyre, dy janë shpesh marrëdhënie afatgjata, ndërsa pjesa tjetër janë një përzierje e flirteve afatshkurtra, takimeve rastësore dhe seksit për vetëm një natë. Një person mesatarisht gjithashtu do të dashurohet dy herë dhe do t’i thyhet zemra po ashtu dy herë. Megjithatë, pas gjithë atyre numrave gjithmonë ekziston një histori shumë më e madhe”, thotë narratori në 30 sekondat e para.
View this post on InstagramLove Life, starring @annakendrick47, comes to @hbomax May 27. #LoveLifeonMax
Dhe me fjalinë “një histori më e madhe” i referohet ngjarjeve të Darby Carter (luajtur nga Kendrick), një 20 e ca vjeçare që lufton për dashurinë në Nju-Jork.
Çdo episod përqendrohet në një marrëdhënie të ndryshme në jetën e Darby-it: “one-night stand”, një romancë premtuese që mbaron shumë shpejt ... dhe madje edhe nëna e saj bëhet pjesë e një kapitulli të historisë.
Seriali ka nisur të transmetohet në HBO./ Burimi Glamour