Nuk ka rëndësi se cila është pyetja? “Ku do të shkojmë për mëngjes, drekë apo darkë?” Apo qoftë edhe për brunch. Përgjigjja është një e vetme (dhe tejet e thjeshtë): “Te FiNN by Luciano!”
Puhiza dhe valët e bruzta të Jonit e sollën Lucianon deri në Tiranë, bash në zemër të kryeqytetit, në një nga zonat më cool e të lakmuara. FiNN by Luciano, një emër që për mbiemër ka finesën, elegancën dhe klasin. Një vend ku deti i përshpërit sekrete shpirtit dhe ku çdo recetë fsheh një histori të parrëfyer.
Mbajeni mend këtë emër, sepse shumë shpejt do të jetë “telashi” i ëmbël i radhës. Ajo “Rezervo tani se nuk do gjejmë vende” e shqetësuar, jo vetëm në fundjavë, por edhe gjatë javës. Do të jetë streha e shumëpritur e atyre që e duan të bukurën, ekskluziven dhe shpirtin e vërtetë të jetës së natës.
Koktejet, përveç atyreklasikeve që nuk do të mungojnë, janë ideuar ekskluzivisht për FiNN dhe janë, sigurisht, tejet të veçanta. Mbi të gjitha janë natyrale, jo të bëra me shurupe të blera. Stafi është i përgatiturdhe i përkushtuar për t’i shërbyer klientit. Misioni i tij është të tregojë qartë angazhimin për të ofruar shërbim cilësor.
Menyja fusion është unike, po aq sa ç’është e tillë edhe formula e argëtimit që ky vend i ngrohtë do të ofrojë për klientët. FiNNby Luciano do të ketë çdo ditë të javës dixhejin e shtëpisë, teksa duke filluar nga e enjtja dhe përgjatë gjithë fundjavës do të ketë të ftuar specialë.
Dhe spektakël. Drita, muzikë, koreografi, pije dhe ushqim të mirë. Dhe meqënëse finesa duket që në mëngjes, FiNN by Luciano e tregoi fuqinë e vetë që këtë fillimdhjetori, nëditën e përurimit të tij.
Eventi magjepsës ku morën pjesë edhe personazhe të njohura publike, si Sara Hoxha, Megi Pojani, Sarah Berisha, etj. ofroi një spektakël të jashtëzakonshëm dhe ekskluziv për Tiranën. Çdo detaj ishte për t’u mbajtur mend, por kryefjala ishin balerinat dhe degustimi i menysë së larmishme, me në sfond ritmet e muzikës së përzgjedhur.
Një vend momentesh të paharrueshme. Ku finesa dhe spektakli takohen si askund tjetër. Dhe ku mbi të gjitha nuk ofrohet thjesht ushqim apo pije unike, por një meny e tërë emocionesh që nuk i keni përjetuar kurrë më parë. Një vend FiNN, për njerëz FiNN!
