Pse të dashurat e lojtarëve më të mirë të tenisit po fitojnë miliona
Paige Lorenze, Morgan Riddle, Ayan Broomfield dhe të dashurat e tjera të yjeve të tenisit janë duke nënshkruar po aq marrëveshje sponsorizimi sa edhe partnerët e tyre romantikë
E Shtunë 24 Gusht 2024, 14:19
TiranaPost
Për shumë tenistë profesionistë, US Open përfaqëson javët më të ngarkuara në kalendar. Duke pasur parasysh afërsinë me markat amerikane dhe mundësisë për të tërhequr kontrata miliona dollarëshe. Por në një pjesë të vogël të rasteve, lojtarët nuk janë njerëzit e vetëm që po bëjnë miliona.
"Unë kam ndoshta po aq marrëveshje markash sa bën Tommy gjatë US Open," thotë Paige Lorenze, një content creator që është në lidhje me yllin amerikan Tommy Paul që nga viti 2022.
Lorenze është një nga shumë influencues të botës së tenisit që po përjeton një vit përparimtar, ndërsa markat përpiqen të arrijnë audiencë që nuk janë tifozë të sporteve tradicionale. Lorenze vlerëson se ndjekësit e saj - gati 700,000 në Instagram - janë rreth 80% femra dhe se vetëm 10% deri në 15% janë fansa të tenisit.
Tendenca ekziston në shumë sporte, por është tenisi ai që ka tërheqjen më të madhe, sepse po preferohet më shumë nga market.
Forbes vlerëson se më të famshmit nga këta influencer të afërt me tenisin, si Lorenze, Morgan Riddle (e dashura e Taylor Fritz, yllit amerikan të renditur në vendin e 12 në botë) dhe Ayan Broomfield (e dashura e Frances Tiafoe, e renditur në vendin e 20-të), do të fitojnë nga 1 milion deri në 3 milion dollarë nga markat këtë vit.
Videot si "Bëhu gati me mua" mund të tërheqin sponsorizime nga kompanitë e modës dhe bukurisë po aq sa nga markat e veshjeve sportive.
“Do të gënjeja nëse do të thoja se tenisi nuk ka ndikuar në të ardhurat e mia; në anën e marrëveshjeve me markat, kjo e ka bërë përmbajtjen time më të vlefshme,” thotë Lorenze për Forbes . “Kam pasur ndjekës shumë të fortë përpara tenisit, por mendoj se ka lidhje me të qenurit ngjitur me sportin që markat e pëlqejnë vërtet.”
