Vendosni rripat e sigurimit dhe ndizni imagjinatën “n'Audi", me Isli Islamin
E Enjte 28 Mars 2024, 11:27
TiranaPost
Në një botë që vazhdimisht është në kërkim të eksperiencave të reja, Porsche Albania vjen me një projekt të ri që do të ndryshojë mënyrën se si ne e perceptojmë artin e bashkëbisedimit; vlogun "n'Audi".
Me Isli Islamin në timon, i cili del nga zona e tij e komfortit si moderator dhe na shfaqet në një rol të ri, si mikpritës i shumë personazheve të jetës publike.
Zgjedhja për të kaluar nga formati tradicional i intervistave në një qasje më interaktive sjell një frymë të re të komunikimit me publikun.
"n'Audi" premton të jetë më shumë se thjesht një bashkëbisedim; është një udhëtim eksplorimi dhe zbulimi të personazheve nga fusha të ndryshme të jetës publike të cilët ndajnë historitë dhe eksperiencat e tyre të veçanta.
Por, përtej çdo të ftuari që sjell një histori të re, dhe këndon muzikën e tij të preferuar ka dhe një protagonist të pandryshueshëm që tërheq vëmendjen; AUDI.
Automjeti, i cili simbolizon elegancën dhe inovacionin, nuk është thjesht një mjet transporti, por ai bëhet dëshmitar dhe pjesëmarrës i çdo bisede, duke ofruar një “skenë” të lëvizshme që e bën edhe më dinamike dhe argëtuese bisedën.
“n’Audi”me Isli Islamin e merr shikuesin në një udhëtim ku syri sheh peizazhet e bukura shqiptare dhe biseda shtrihet nga arti, kultura, e deri te tematikat dhe fenomenet aktuale
Porsche Albania, e ka konceptuar "n'Audi" si një eksperiencë unike për të ftuarit por dhe për publikun. Ndaj ky projekt është një ftesë e hapur për të gjithë ata që kërkojnë të përjetojnë një eksperiencë të re, plot emocione, zbulime dhe mundësi të pafundme.
Pas kësaj, vendosni rripat e sigurimit dhe ndizni motorrët për një udhëtim të paharrueshëm “n'Audi", me Isli Islamin dhe Porsche Albania.
*Ky është një shkrim i sponsorizuar
