Inteligjenca artificiale mund të ndikojë deri në 300 milionë vende pune
E Mërkurë 29 Mars 2023, 16:33
TiranaPost
Ndërsa produktet e inteligjencës artificiale si ChatGPT synojnë të bëhen pjesë e jetës sonë të përditshme dhe ta bëjnë atë më të lehtë, ka një gjë në mendjen e të gjithëve ne: A mundet AI të na zëvendësojë në punë?
Sipas një studimi nga Goldman Sachs në të gjithë botën deri në 300 milionë vende pune mund të preken nga Inteligjenca artificiale.
Disa punë do të ndikohen më shumë se të tjerat, shpjegon raporti. Punët që kërkojnë shumë punë fizike, për shembull, kanë më pak gjasa të preken ndjeshëm.
Në SHBA, punët e zyrës dhe të mbështetjes administrative kanë përqindjen më të lartë të detyrave që mund të automatizohen me 46%, e ndjekur nga 44% për punët ligjore dhe 37% për detyrat brenda arkitekturës dhe inxhinierisë.
