Reperi Noizy vjen në këtë episod si asnjëherë në një rrëfim të plotë për jetën e tij. Një figurë kontroversiale, shumë i adhuruar nga të rinjtë dhe sidomos adoleshentët, i kritikuar nga rrjeti, por prej vitesh i pari në tregun e muzikës së vet. Pse e duan Noizy-n? Vetëm për këngët? Duhet të ketë diçka më shumë, diçka që u përpoqa ta zbuloj në këtë episod të ZëmeMirënPodcast.
37 vjeç, ai ka arritur pikën ku duket se e njeh veten, e ka pranuar atë dhe interesant është momenti kur tregon se ka plane për të bërë disa ndryshime/ korrigjime.
Më vjen mirë që një reper me famën dhe ndjekësit e tij beson tek përmirësimi, dhe autenticiteti me të cilin ai iu përgjigj pyetjeve është surprizë për mua, bashkë me drojën që qëndron si antitezë e shumë teksteve të këngëve të tij.
Çfarë do një njeri që ka arritur majën e suksesit, e famës? Që ka 10 makina në garazh, që ka disa sipërmarrje, që ka dashurinë epidemike të të rinjve dhe sidomos adoleshentëve? Ju siguroj që edhe një njeri i tillë ka pengje, vuajtje, dhe plot dëshira e punë për të ardhmen. Do i gjeni të gjitha në episodin e qetë me Noizy-n.
*Podcasti "Zë me Mirën" u mbështet nga Credins Bank, Lajthiza, Melia, Eurosig, UBA, Metropolitan
*E drejta për ripostim ndalohet pa lejen e editorit
Çdo shtrembërim i fakteve online do të ndiqet në rrugë gjyqësore
