Nën lupën e Stela Sallakut

Vishu si Grace Kelly, princesha që sot do bënte 90 vjeç

[caption id="attachment_258116" align="aligncenter" width="500"] (Foto nga Pinterest)[/caption]

Grace është një ndër aktoret më të bukura të Hollywood-it të viteve `40 -`50. Me flokët e artë e sytë blu, asaj i shkonte thuajse çdo gjë që vishte. Që nga pantallonat ngjyrë mjaltë kombinuar me këmishën e mëndafshit e deri tek kostumet e leshta gri.

[caption id="attachment_258132" align="aligncenter" width="540"] (Foto nga Pinterest)[/caption]

Ndër veshjet e saj më të preferuara ishin dizajnet e Dior, xhaketat me bel të theksuar, mëngë deri poshtë bërrylit të cilat lejonin të tregonte byzylykët me perla. Dorashkat ishin të shkurtra por “statement”, satin ose lëkurë. Flokët e valëzuar i priste pak poshtë veshit, ndonjëherë deri tek supet, për të vënë në pah qafën e njëkohësisht jakat.

[caption id="attachment_258121" align="aligncenter" width="450"] (Foto nga Pinterest)[/caption]

Modën e fustaneve të mbrëmjes me dy copa e kam parë fillimisht tek Grace, dhe më pas thuajse çdo dy tre sezone përsëriteshin edhe nëpër sfilata. Reem Acra, Zuhair Muhrad, YSL e shumë të tjerë kanë bërë koleksione frymëzuar nga ish-princesha.

[caption id="attachment_258145" align="aligncenter" width="800"] (Foto nga Pinterest)[/caption]

[caption id="attachment_258126" align="aligncenter" width="256"] (Foto nga Pinterest)[/caption]

Tek Grace Kelly mund të shihni kombinimet më të bukura të këmishës së bardhë me shallin lidhur shkurt rreth fytit. Ndaj dhe e kemi kategorizuar si element i gardërobës kapsulë sepse është një nga trendet që duket bukur çdo sezon.

[caption id="attachment_258114" align="aligncenter" width="400"] (Foto nga Pinterest)[/caption]

Qëndrimi, pozat dhe silueta e saj nuk ka frymëzuar vetëm dizajnerat, por dhe editorët e modës së Vogue, Elle, Glamour etj. Kombinimi i këmishës, me pantallona me shtrat të lartë, triko e hedhur krahëve dhe pupa ka qenë një nga veshjet më të përdorura. Edhe pasi u bë princeshë, nuk i zëvendësoi pantallonat dok me kostume të qëndisura me gurë të çmuar, ose shaminë e kokës me kapele të bëra me porosi.

[caption id="attachment_258137" align="aligncenter" width="543"] (Foto nga Pinterest)[/caption]

Me perla në qafë dhe me jaka të mbyllura, ajo u quajt gruaja më sharmante që ka jetuar ndonjëherë. Nuk kishte as qerpikë e as vetulla fallto, as make-up me kontur, apo buzë të bëra artificialisht. Ama u martua me një princ, në Monte Carlo./Tiranapost.al

[caption id="attachment_258119" align="aligncenter" width="500"] (Foto nga Pinterest)[/caption]