Aktualitet

Reagon Ambasada greke në Tiranë: Shtyhen kufizimet për hyrjen e shqiptarëve deri në 31 gusht

Reagon Ambasada greke në Tiranë: Shtyhen kufizimet për hyrjen e

Pas kaosit të krijuar në pikat kufitare greke, qeveria e Mistotakis ka vendosur të shtyjë kufizimet për hyrjen e shqiptarëve në Greqi deri në datën 31 gusht. Lajmi bëhet me dije nga ambasada greke në Shqipëri përmes Facebook.  Sipas vendimit të qeverisë Greke të përjashtuar nga ky kufizim jane:

-personat qe kane pasaportë Greke, Kartën e Identitetit të Posaçëm të Homogenit dhe lejen e qëndrimit,

-personat që kanë vendbanimin e tyre kryesor në Greqi.

-dhe të gjithë ata që kane marre leje për nevoja absolutisht të nevojshme.

Hyrja e personave të mësipërm bëhet nga pikat kufitare të Kakavijes, prej së ciles lejohet të hyjnë 750 persona në ditë dhe Kapshtices prej së cilës lejohet të kalojnë 300 persona në ditë, nga ora 07:00 e mëngjesit deri në orën 23:00, ose me avion (fluturimet Tiranë – Athinë).

Ndërsa nga e Diela e dates 16.08.2020 nga ora 00:01 e drekes, të gjithë ata që hyjnë në Greqi duhet të aplikojnë karantinën 7 ditore që nga ardhja e tyre (duke përjashtuar drejtuesit e kamionëve).

Personat që shkelin karantinën, përveç sanksioneve të parashikuara penale, gjobiten me 5 000 euro.

Ambasada greke në Shqipëri gjithashtu sqaron se nga data 17 gusht deri më 31 gusht, të gjithë personat që hyjnë në Greqi, duhet që të paraqesin këtë dokumentacion:

1) Testin negativ për COVID-19 (me metodën PCR), i cili duhet të kryhet deri në 72 orë para mbërritjes në pikën e kalimit kufitar, nga laboratorë publik ose privat të çertifikuar në Shqipëri, (jo i vlefshëm për drejtuesit e kamionëve që transportojnë mallra dhe fëmijët e lindur nga 2011 e tutje)

2) Vërtetimi i diagnozës në anglisht (në të cilën duhet te jete emri, mbiemri dhe numri i pasaportës / numri i kartës së identitetit të një individi

3) Vërtetim për plotësimin e formularit special PLF, me kod QR (nga adresa e postës elektronike https://travel.gov.gr).”, thuhet ne reagimin e ambasadës greke.