Ndarja nga jeta e Fatos Nanos, sot homazhe në Pallatin e Kongreseve
Sunday 2 November 2025, 08:32
TiranaPost
Në Pallatin e Kongreseve në orën 08:30 nisën homazhet në nder të ish-kryeministrit Fatos Nano i cili humbi jetën më 31 tetor.
Qeveria vendosi që të shpallë Zi Kombëtare ditën e dielë, më 2 nëntor në nderim të Nanos. Këtë të dielë të gjitha institucionet shtetërore dhe publike do të ulin flamuri kombëtar në gjysmë shtize.
Më tej bëhet me dije se në orën 12:00 do të ndërpriten të gjitha veprimtaritë dhe do të mbahet një minutë heshtje në mbarë vendin. Homazhet dhe Ceremonia Shtetërore do të mbahen te Pallati i Kongreseve, Tiranë.
08:30 – 11:00- Homazhe publike
11:15 – 11:45 – Homazhe shtetërore dhe nderim nga personalitetet
12:05 – Ceremonia funebre shtetërore e lamtumirës
Ish-kryeministri Fatos Nano është ndarë nga jeta të premten në moshën 73-vjeçare. Prej më shumë se 3 javësh Nano gjendej i shtruar në një spital privat në kryeqytet në gjendje të rëndë.
