Serbia zhbllokon grurin dhe misrin për Shqipërinë!
Tuesday 15 March 2022, 13:35
TiranaPost
Serbia ka konfirmuar hapjen e tregut dhe lëvizjen e lirë të grurit dhe misrit me Shqipërinë. Lajmin e ka dhënë ministrja e Bujqësisë Frida Krifca gjatë një takimi me ministrin serb të Bujqësisë në Beograd.
“Në një takim me ministrin Nedimovic në Beograd patëm mundësinë të diskutojmë edhe njëherë marrëveshjen e Ballkanit të Hapur edhe në kushte në të cilat gjendemi tani dhe për të siguruar që kjo marrëveshje funksionon. Kontratat e lidhura tashmë për importin dhe eksportin e produkteve të ndryshme përfshirë atë të misrit apo të grurit do të vijojnë normalisht.
Ne garantuam njëri- tjetrin për një bashkëveprim dhe bashkërendim institucional të mirëkuptuar dhe është shumë e rëndësishme që kompanitë shqiptare do të kenë mundësi që kësaj jave do të mund të vijojnë biznesin e tyre normalisht për importet e grurit dhe misit. Ky është një shembull i mënyrës se si marrëveshja e Ballkanit të Hapur krijon lehtësira edhe në periudha shumë të vështira, për arsye të luftës”, tha ministrja Krifca.
Tiranapost.al
